Яңгыр яуган вакытта теләкләр кабул була: нинди дога кылырга?

Һавада хуш ис чыга, табигать яңа бер сулыш алган кебек тоела. Яңгыр – ул да булса Раббыбызның бер нигъмәте, аның үз файдасы һәм хикмәте бар икәнен беләбез. Һәм шул ук вакытта, зарар китермәсен дип, бер дога кылып куйсак, бик тә яхшы булыр. Шулай ук яңгыр яуган вакыт – дога кабул була торган вакытларның берсе булып та санала.

Һәм яңгыр яуганда киләсе махсус бер доганы да укырга киңәш ителә:

«Аллаһуммә саййибән нәәфигән.

اللّهُمَّ صَيِّـباً نافِـعاً»

Йә Аллаһ, бу яңгыр файда китерсен иде!»

Йә Раббым, яуган һәм явасы яңгырлар файда гына китерсен, бу яңгырлар зыян китермәсен, йә Аллаһ, безгә хәерлесен насыйп ит!

t.me