Якыннарыгызны «чеметмәгез», ә йөрәгегезгә сыйдырыгыз (гыйбрәтле язма)

Фото: редакция архивыннан

Мәчеткә йөри башлаган яшьләр карт хәзрәткә:

– Җәмәгать намазы һәм догалар, вәгазьләр укылган вакытта беребезнең йоклап киткәнен күрсәк, аны чеметеп яки төртеп уятырга тиешбезме? – дигән сорау биргән.

– Оланнар, – дигән хәзрәт, – әгәр дә мин йоклап киткән иптәшемне күрсәм, ял итсен, дип, аның башын үземнең тезләремә куям. Дуслар, якыннарыгызны үзегезнең үгетләрегез, үрнәкләрегез белән «чеметмәгез». Алар башларын сезнең якка борсыннар, ә сез аларны йөрәгегез белән кочаклап, җылыгызны бирегез. Йөрәк өйрәтми, ул хәлеңә керә һәм ярата.