Сирена тавышлары ешайды: подваллар бикле, халык нишләргә белми

Фото: © Михаил Захаров / «Татар-информ»

Соңгы көннәрдә, Аллаһ сакласын, сирена тавышлары Яшел Үзәндә дә еш ишетелә башлады. Әйе, тавыш яңгырый, домофон ишекләре ачык дип «җырлый». Һәм шул вакыт сорау туа: кая барырга, нишләргә? Бу очракта нинди гамәлләр кылырга кирәклеген беркем белми. Йорт подвалына төшеп качар идең, ишеге һәрвакыт бикле, күп йортларда кеше керерлек тә түгел әле ул. Йә анда су, йә пычрак, йә йозак. Шуңа күрә андый бәла-казалардан Аллаһ кына сакласын инде дип телибез.