Сабантуй – концерт түгел: Халык бәйрәмендә катнашыгыз

Фото: Алия Гаязова, «ЯҮ»

«Әйтәм әле» сәхифәсен, газетаны кулга алуга, иң беренче укып чыгам. Соңгы санында берәү хәзерге Сабантуйлары ачык һавадагы концертны хәтерләтә дип язган. Мин моның җавабын беләм: халык уеннарда катнашмый, киенеп-ясанып чыга да, күзәтеп тик утыруын белә. Ә бәйрәм кем өчен оештырыла соң ул һәм анда кемнәр катнашырга тиеш? Тамаша карарга килгән кебек, читтән тикшереп, гаеп эзләп утыру рәхәттер ул, конечно, но Сабантуй халык бәйрәме. Ул уеннары, анда тырыша-тырыша ярышкан халкы белән кызык. Катнашучысы булмаса, шул ачык һавадагы концертка кайтып кала инде, нишләтәсең.