Узган атнада Яшел Үзән районында 133 тапкыр юл йөрү кагыйдәсе бозылган

Фото: Рәзилә Хәйретдинова, «ЯҮ»

Шуларның 34ендә матди зыян китерелгән. 1 юл-транспорт фаҗигасендә 1 кеше зыян күргән. 7 машина йөртүче исерек килеш тотылган.

Йошкар-Ола – Яшел Үзән юлында «Лада 217220» автомашинасын идарә итүче 23 яшьлек ир, юл йөрү кагыйдәсен бозуы сәбәпле, машинасы белән юлдан төшеп капланган. Нәтиҗәдә, йөртүченең умыртка сөягенә зыян килгән, баш мие селкенгән. Аны Яшел Үзән район үзәк хастаханәсенә госпитализацияләгәннәр.