Татарстанда якын көннәрдә кискен салкынаю көтелә.
Синоптиклар мәгълүматларына караганда, төнге температуралар -26 га кадәр төшәчәк, ә көндез - 25 градус булачак.
24-25 гыйнварда салкыннар көчәя: төнлә термометр баганалары - 30га, урыны белән -35кә җитәргә мөмкин. 26 гыйнварда да коры салкын булачак. Төнлә -28, урыны белән -32, көндез -12 дән -17 кадәр булыр дип фаразлана.
Дәүләт автоинспекциясе машина йөртүчеләргә ерак сәфәрләрдән тыелырга киңәш итә. Көчле салкыннар шартларында техник җитешсезлекләр һәм юл-транспорт һәлакәте куркынычы арта.
Автоинспекторлар юлга чыгар алдыннан автомобильне җентекләп тикшерергә, һава торышы буенча киенергә, җылы әйберләр, кайнар чәй һәм ягулык запасы алырга искә төшерә.
Татар-информ
Нет комментариев