Юл-транспорт һәлакәте нәтиҗәсендә балалар вафат булган

10 август 21:10 сәгатьтә Апас районында 1983 елгы «Хендай Солярис» автомобиле йөртүчесе, беренчел мәгълүматлар буенча, транспорт чарасының юл өлешендә урнашу кагыйдәләрен бозып, «Рено Аркана» автомобилен узып китү максатыннан, уң як юл кырыена чыга, үз полосасына кайтканда идарәне югалта һәм каршы як хәрәкәт полосасында 1992 елгы ир-ат идарәсендәге «Хонда Цивик» автомобиле белән бәрелешә.

«Хонда Цивик» автомобиле, үз чиратында, 1979 елгы машина йөртүчесе идарәсендәге ВАЗ-2110 автомобиле белән бәрелешә. Юл-транспорт һәлакәте нәтиҗәсендә «Хонда Цивик» автомобиленең ике пассажиры, 2013 һәм 2014 елгы балалар, алынган җәрәхәтләрдән вафат була, «Хонда Цивик» автомобиле йөртүчесе һәм аның 1987 елгы пассажиры, шулай ук «Хендай Солярис» автомобиле йөртүчесе зыян күрә.

Юл-транспорт һәлакәте шартлары ачыклана. 

Фото: Госавтоинспекция МВД по РТ