Фаҗигаләрнең һәр өченчесе балалар гаебеннән чыга

Юлларда балалар куркынычсызлыгы борчулы проблема булып кала. Дәүләт автоинспекциясе мәгълүматларына караганда, агымдагы елның 7 аенда 16 яшьтән кечерәк балалар катнашында юл һәлакәтләре саны сизелерлек арткан.

Барлыгы 247 юл-транспорт фаҗигасе теркәлгән, нәтиҗәдә 7 бала һәлак булган һәм тагын 265е төрле дәрәҗәдәге тән җәрәхәтләре алган. Яшел Үзәндә 8 фаҗига чыгып, 7 бала имгәнгән һәм 1се һәлак булган.

Узган елның шул чоры белән чагыштыру борчулы үсеш динамикасын күрсәтә:

• фаҗигаләр 16га арткан.
• үлүчеләр 1гә кимегән.
• зыян күрүчеләр 15кә арткан.

Юл һәлакәтләренең 48 процентының җәяүле малайлар һәм кызлар катнашында булуы билгеле чынбарлык. Велосипедчылар белән – 30, механик транспорт чараларын йөртүчеләр катнашында 11 фаҗига теркәлгән. 68 очрак – саксызлык нәтиҗәсе. Димәк, һәр өченче юл-транспорт вакыйгасы балигъ булмаганнар гаебе белән чыга.

Статистика буенча юл-транспорт бәрелешләрендә яшь пассажирлар күбрәк зыян күрә. Һәлак булганнарның гомуми саныннан алтысы балалар – транспорт чара­лары пассажирлары. Балигъ булмаганнарны йөр­тү кагый­дәләрен бозуга кар­шы көрәшү өчен ЮХИДИ хезмәткәрләре профилактик чаралар үткәрә. Агымдагы елның 14еннән 24 июльгә кадәр «Бала — төп пассажир» махсус операциясе оештырылган. Акциянең унбер көнендә 800дән артык хокук бозу очрагы теркәлгән.

Шулай итеп, балалар катнашындагы аварияләрне булдырмау барлык кызык­сынган яклар – гаиләләр, мәга­риф учреждениеләре, хакимият органнары һәм хокук саклау структураларының өстенлекле юнәлеше булып кала. Юл хә­рәкәте кагыйдәләрен үтәүгә контрольне көчәйтүне, мәгълү­матлылыкны арттыруны һәм балигъ булмаганнарны йөрү кагыйдәләренә өйрәтүне үз эченә алган комплекслы алым кирәк.

Фаҗигале очракларның артуына бәйле рәвештә, 1есеннән 10 августка кадәр, «Юлларда балалар!» акциясе уздырыла. Төп бурычы:

балалар һәм яшүсмерләр тарафыннан юл хәрәкәте кагыйдәләрен бозуларны туктату;
балигъ булмаганнарның юл йөрү кагыйдәләрен үтәвенә контрольне көчәйтү.

Әлфия Зыякаева әзерләде

Фото: Рәзилә Хәйретдинова, «ЯҮ»