Ирен ташлаган Полина Гагарина җәнҗалга эләккән Җырчыны берсе артыннан икенче күңелсезлек сагалап кына тора

Полина Гагаринаны суд приставлары эзли. Җырчы әҗәтлеләрнең кара исемлегенә эләккән. Ул "коммуналка"өчен салым хезмәте каршындагы бурычларын вакытында түләмәгән икән.
Приставлар җырчыга каршы башкарма производство кузгаткан. Сүз дистәләгән мең сум турында бара. Суд приставлары федераль хезмәте (ФСПХ) мәгълүматлары буенча, артистканың коммуналь хезмәтләр өчен 56 мең сумга якын һәм тагын 30 мең сум салым һәм җыем бурычы бар.

Ә бит быел Полина Forbes исемлегенә эләккән, алтынчы урынны алып, елына 6,4 миллион доллар акча эшләгән. Мөгаен, Гагарина ярдәмчеләре ТКХ өчен түләргә онытканнардыр.
Хәзерге вакытта артистка катлаулы чор кичерә. Ул ире Дмитрий Исхаков белән аерылыша. Шушы көннәрдә вокалчы беренче тапкыр алты елдан артык яшәгән фотограф белән аерылышуын раслаган. Ул Дмитрий белән бернинди никах килешүе дә булмавын сөйләде. "Мин прагматик кеше түгел, ә романтик. Мин стратегияләрне оештырмадым. Әгәр берәр нәрсәгә кул куйсаң, синең ул аңыңа сеңеп кала һәм син мөнәсәбәтләрне өзәргә әзер тор", - ди Йолдыз.

Исегезгә төшерәбез, Полина Гагарина һәм Дмитрий Исхаковның аерылышуы турында май аенда сөйли башладылар. Соңрак гаиләнең җимерелүен фотограф үзе дә таныды. Хәзер ир-ат бик хәлле Екатерина исемле кыз белән очраша.