Украина генералы 2024 елда ниләр булачагын фаразлаган

«Безнең махсус хезмәтләр, чынлап та, Россиянең Харьковны яки Сумыны алу планы бар, дип әйтә. Әмма без бу планнарның ни кадәр җитди һәм россиялеләрнең аны тормышка ашырырга сәләтлеме-юкмы икәнен белмибез», – дигән Павлюк.

Аның фикеренчә, Россия армиясе Харьковка җәен һөҗүм итәчәк. Харьковның 40 процент халкы инде шәһәрдән киткән.

Павлкюның «The Times» басмасына биргән интервьюсыннан төп фикерләр:

• Россиялеләрнең 2024 елга максатлары: Донецк һәм Луганск өлкәләрен тулысынча яулап алу һәм, булдыра алсалар, Запорожье өлкәсен дә алу;
• Россиялеләр артиллериядә һәм һавада унга бер нисбәтендә өстенлеккә ия;
• ЕС ярдәме белән бергә Америкадан ярдәм Украинага стратегик инициатива бирә ала;
• Хәзер ике якта да беспилотниклар башка нәрсәләргә караганда күбрәк солдатларны үтерә. Нәкъ шуңа күрә зур һөҗүм төркемнәре ясап булмый. Бу ике якны да батальоннар яки хәтта, роталар белән барудан читләшергә мәҗбүр итә;
• Хәзерге конфликтны 2022 елгы конфликт белән дә чагыштырып булмый. Болар икесе ике төрле конфликт. Конфликт технологик өстенлек нәтиҗәсендә төгәлләнәчәк;
• Ел ахырына кадәр россиялеләр тагын 300гә якын солдатны мобилизацияләргә ниятли.

Чыганак: Интертат