Бүген водолазлар Яшел Үзән районындагы Октябрьский бистәсеннән ерак түгел Иделдә әйләнгән Velvette 20 катерында булган 54 яшьлек ир-атның гәүдәсен тапкан.
Аны 17 метр тирәнлектә, ярдан якынча 500 метр ераклыкта тапканнар. Мәетне полициягә тапшырганнар.
Икенче пассажирны, 1979 елгы ир-атны, эзләү дәвам итә. Коткаручылар Россия Гадәттән тыш хәлләр министрлыгының ТР буенча Баш идарәсенең пилотсыз авиасистемасын акваторияне тикшерү өчен кулланырга планлаштыра.
Эзләүләрдә 9 йөзү чарасын да кертеп, 22 кеше һәм 11 берәмлек техника катнаша. Алар арасында – Гадәттән тыш хәлләр министрлыгы һәм башка хезмәтләр хезмәткәрләре.
Нет комментариев