Татарстанның 4 меңнән артык пенсионеры балалар тәрбияләгән өчен өстәмә түләү алачак

Бу өстәмә — балалары 18 яшькә җитмәгән яки югары уку йортының көндезге бүлегендә укучы студентларны тәрбияләүче пенсионерлар өчен. Бу хакта республиканың Социаль фонды хәбәр итте.

Игътибар итегез: әгәр студент читтән торып (заочка), кичке яки дистанцион формага күчсә яки укудан куылса, өстәмә түләү туктатыла.

2026 елда өстәмәнең күләме:

• бер бала өчен — 3194,9 сум,
• ике бала өчен — 6389,8 сум,
• өч һәм аннан күбрәк бала өчен — 9584,69 сум.

Бу өстәмә эшләүче пенсионерларга да, эшләми торганнарына да бирелә.

18 яшьтән өлкән студент-балага өстәмә түләү рәсмиләштерү өчен, уку йортыннан көндезге уку формасында икәнлеге һәм уку вакыты күрсәтелгән белешмә китерергә кирәк. Әгәр студент рәсми рәвештә эшли һәм керем ала икән, аның әти-әнисе карамагында булу факты тикшерелә. Бу очракта өстәмә рәвештә әти-әнинең һәм студент баланың керемнәрен раслаган документлар тапшырылырга тиеш.

Вечерняя Казань