Татарстанда ватылган машинада калган сабыйлы гаиләне коткардылар
Мамадыш районында ватылган машинада калган сабыйлы балалы гаиләне коткардылар.
ТР буенча Гадәттән тыш хәлләр министрлыгының Баш идарәсе «Татар-информ»га хәбәр итүенчә, «Лада Искра Кросс» М-7 трассасының 956нчы километрында төнлә ватылган. Машинада биш кеше – 49 яшьлек хатын-кыз һәм ир-ат, 33 яшьлек ир-ат һәм 24 яшьлек хатын-кыз һәм имчәк баласы булган. Тиз арада суына торган машинада калу куркыныч икәнен аңлагач, алар коткаручыларга шалтыраткан.
Туңучыларга ярдәмгә 5нче төбәк эзләү-коткару отряды коткаручылары чыккан. Алар гаиләне җылы машинага утыртып, кайнар чәй белән җылыткан һәм туганнарына тапшырган. Медицина ярдәме беркемгә дә таләп ителмәгән.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев