Татарстанда кредитларга үз-үзеңне тыюны 16% халык урнаштырган

Август аенда республика халкы тыю урнаштыруга 20 меңгә якын, ә аны бетерүгә 7,85 мең гариза биргән. Сервис эшли башлаганнан бирле барлыгы татарстанлылар тыю куюга 810 мең, ә аны бетерүгә 104 мең гариза юллады. Бөтен Россия буенча үз-үзеңне тыюны 21,97 миллион граждан рәсмиләштергән. Эшли башлаганнан бирле барлыгы 27,43 миллион гариза бирелгән. Элек урнаштырылган чикләүләрнең 12,4% ы бетерелгән.

Августта хезмәткә сорау кимегән: ил буенча тыю урнаштыруга 635,2 мең гариза бирелгән (июльгә карата -18,4%), ә бетерүгә 249,9 мең (-0,5%). Ешрак үз-үзеңне тыюны россиялеләрнең 35–45 яшьлекләре һәм 65 яшьтән өлкәннәре рәсмиләштерә — һәр төркемдә 20,1% тан. Иң популяр формат — кредитларга тулы тыю (гаризаларның 91,6% ы).

Төбәкләр арасында лидерлар — Мурманск өлкәсе (халыкның 27% ы), Магадан өлкәсе (24%), Коми Республикасы (23%), Камчатка крае һәм Карелия (һәрберсе 20% тан). Татарстанда күрсәткеч — 16%. Чагыштыру өчен: Мәскәүдә — 15%, Санкт-Петербургта — 17%.

КП Казань