Иртәгә, 8 гыйнварда, Татарстанда һава шартларының сизелерлек начараюы көтелә.
Фото: © Михаил Захаров / «Татар-информ»
Бу хакта ТР Гидрометүзәге хәбәр итә.
Пәнҗешәмбе көнендә буран булачак, күз күреме 1000 метрга кадәр һәм аннан да кимрәккә начарланачак.
Көчле җил 15 метрдан 17 м/с ка кадәр көчәячәк (ТР башкаласында - 15 м/с ка кадәр).
Юлларда кар боткасы һәм бозлавык хасил булачак.
Дәүләт автоинспекциясе татарстанлыларны шәхси автомобильләрдә йөрүдән баш тартырга чакырды.
Нет комментариев