Татарстан Премьер-министры Алексей Песошин галимнәрне Россия фәне көне белән котлады

Фото: © Владимир Васильев / «Татар-информ»

Татарстан Республикасы Хөкүмәте исеменнән котлауда фән икътисадны, социаль өлкәне һәм мәгарифне үстерүнең төп көче һәм нигезе булып кала, дип билгеләп үтелә. Галимнәрнең хезмәте нәтиҗәсендә Татарстан нефть химиясе һәм IT-парктан алып биотехнологияләргә һәм материалларга кадәр кайбер фәнни юнәлешләрдә әйдәп баручы позициядә тора.

Песошин ассызыклаганча, Россия һәм Татарстан фәнни мәктәпләре традицияләренә таянып, галимнәр илнең фәнни-технологик суверенитетын ныгытуга, импортны алыштыру, цифрлаштыру һәм тотрыклы үсеш бурычларын хәл итүгә өлеш кертәләр.

«Аеруча рәхмәт сүзләре – яшь галимнәргә. Сезнең энтузиазмыгыз, белемгә һәм фәнни эзләнүләргә омтылуыгыз илебез фәненең киләчәге. Татарстан Республикасы Хөкүмәте һәрвакыт фәнни инициативаларны хуплый, галимнәрне тикшерү һәм үз-үзләрен тормышка ашыру өчен, регионда инновацион инфраструктураны үстерүгә уңай шартлар булдыруга ярдәм итә», – диелә котлауда.

Республика Премьер-министры шулай ук галимнәргә сәламәтлек, энергия, яңа идеяләр һәм Татарстан белән Россия өчен әһәмиятле ачышлар теләде.

Татар-информ