Стажы тулганнар пенсиягә алдан чыга

Озак еллар стаж туплап эшләгән өчен, алар билгеләнгән яшьтән ике елга алдарак чыкты.

Пенсиягә вакытыннан алда чыгу өчен стаж исәпләгәндә, Россиядә эшләү чорында аның өчен мәҗбүри пенсия һәм социаль иминиятләштерү фондларына кертемнәре исәпләнгән һәм түләнгән чорлар, шулай ук түбәндәгеләр кертелә:

• – вакытлыча хезмәткә яраксызлык буенча пособие алу вакыты;
• – чакырылыш буенча хәрби хезмәт узган чор;
• – хәрби хезмәт узганда яки ирекле формированиедә булу вакытында махсус хәрби операциядә катнашу вакыты иминият стажында икеләтә күләмдә санала.
   

Шуны да исәпкә алырга кирәк, гомуми иминият стажына кертеп исәпләнелә торган кайбер социаль әһәмиятле чорлар бар, әмма алар вакытыннан алда пенсиягә чыгу хокукы бирә торган стажга кертелми. 

Әлеге чорлар:

• яшь ярымга кадәр балаларны тәрбияләү;
• хезмәткә сәләтсез гражданнарны карау;
• эшсезлек буенча пособие алу вакыты.

«Күпме стаж тупланганын белү өчен, гражданнар шәхси счеттан өземтә соратып ала алалар. Моны электрон рәвештә «Дәүләт хезмәтләре» порталындагы шәхси кабинетта, яисә күпфункцияле үзәк офисына яки фондның клиент хезмәтенә мөрәҗәгать итеп эшләргә мөмкин», – дип ачыклык кертте Татарстан буенча Социаль фонд бүлеге идарәчесе Эдуард ВАФИН.

Россия Социаль фонды контакт-үзәгенә 8-800-1-00000-1 номеры буенча шалтыратып, озак еллар эшләгән өчен вакытыннан алда пенсиягә чыгу шартлары турында өстәмә консультация алырга мөмкин.