Сайлауларда тавыш биреп, үз районыгыз тормышына йогынты ясый аласыз

Респyблика халкына Татарстан Республикасы Рәисен һәм шулай ук 7 663 җирле үзидарә органнары депутатын сайларга туры киләчәк.

Бу — бу елның иң зур сайлау кампаниясе, анда 11 меңнән артык кандидат катнаша.

Ни өчен бу мөһим?

Җирле үзидарә — идарәнең гражданнарга иң якын булган дәрәҗәсе. Нинди ишегалларының беренчеләрдән булып төзекләндерелүе, нинди мәктәпнең беренчеләрдән булып ремонтлануы, кайда спорт объектлары барлыкка килүе — моның барысы да депутатларның карарларына бәйле. Болар барысы көнделек тормышның уңайлылыгына турыдан-туры йогынты ясый.

Өстәвенә, җирле депутатлар үзләре эш итә алмый торган авыр мәсьәләләрне хәл итүдә ярдәм итә. Аларга эш эзләгәндә, торак шартларын яхшыртканда, дарулар һәм медицина техникасы белән тәэмин ителгәндә ярдәм сорап мөрәҗәгать ителә. Шулай ук депутатлар пенсия, хокукый һәм милек мәсьәләләре буенча киңәшләр бирәләр, төзекләндерү яки тәртип бозу проблемаларын хәл итүдә ярдәм итәләр. «Татарстан – казанышлар республикасы» порталы язганча, һәрбер шундый сорау контрольдә тотыла һәм кешеләргә нәтиҗәле ярдәм күрсәтелә.

Актив һәм ышанычлы депутатны сайлау үз ишегалдыгызның, урамыгызның, районыгызның һәм шәһәрегезнең үсешенә йогынты ясарга мөмкинлек бирә.

Сезнең хокук — сезнең сайлау

Сентябрь сайлауларында республикада иленең барлык алдынгы сәяси фиркаләре катнашачак: «Бердәм Россия», «Яңа кешеләр», ЛДПР, КПРФ, «Гадел Россия – Патриотлар – Дөреслек өчен», «Россия коммунистлары», шулай ук «Социаль гаделлек өчен» пенсионерлар фиркасе.

Фирка вәкилләреннән тыш, тавыш бирүдә үз-үзен тәкъдим итүчеләр дә катнаша. Бу һәрбер сайлаучыга үз мәнфәгатьләрен яклый торган кандидат табарга мөмкинлек бирә.

Аңлы сайлау — киләчәк нигезе

Моны онытмаска кирәк: фирка үсешнең гомуми юнәлешен билгели, әмма сезнең округтагы реаль эшне конкрет кеше — депутат башкара. Шуңа күрә сайлаганда, кандидатның фиркале булуын гына түгел, ә шәхси сыйфатларын: аның тәҗрибәсен, кыйммәтләрен һәм конкрет территорияне үстерү буенча тәкъдимнәрен дә исәпкә алырга кирәк.

14 сентябрьдә үзегезнең сайлау участогыгызга килегез! Районыгызның һәм бөтен республиканың киләчәге сезнең тавышыгызга бәйле.