Мин бәләкәй татарга ярамый мондый көнне озак йоклап ятарга!

Бүген 
 
Алсу җил таң нурларын
Сибеп китте тәрәзгә.
Урынымнан торалмый
Яттым әле беразга. 
 
Нәрсәдер чаж-чож итә
Әй исләре, исләре!
Искә төшерә өйдә
Бәлеш; пешкән кичләрне. 
 
Тордым, кердем кухняга. 
Камыр шулай, чыжылдап,
Табага төшә икән,
Кетер-кетер кетердәп,
Коймаклар пешә икән. 
 
Миңа карап елмая
Матур йөзле әбием.
Сөлгегә кулын сөртә
Ак яулыклы әнием: 
 
— Юын, чистарт тешеңне,
Матур итеп киен!— ди,—
Бүген татар бәйрәме —
Гает көне бүген!— ди. 
 
Йөгердем юынгычка.
Мин бәләкәй татарга
Ярамый мондый көнне
Озак йоклап ятарга. 
 
Рәшит Бәшәр