Марат Сәмигуллин Җиңү көне алдыннан Бөек Ватан сугышы ветеранына кунакка барды
«Бердәм Россия» партиясенең төбәк башкарма комитеты җитәкчесе Марат Самигуллин Җиңү көне алдыннан Бөек Ватан сугышы ветераны Кауй Хәсәновка кунакка барып, аны котлады.
Котлау партиянең «Ветеранга бүләк» акциясе кысаларында узды, дип хәбәр итә партиянең матбугат хезмәте.
Казанда яшәүче 100 яшьлек фронтовикка бүләкләр һәм котлаулар тапшырдылар. Марат Сәмигуллин Җиңү көне илнең төп бәйрәме булып калуын, ул сугышның фаҗигалы вакыйгалары турындагы хәтерне һәм халыкның батырлыгы белән горурлыкны берләштерә икәнен билгеләп үтте. Аның сүзләренчә, нәкъ менә Кауй Хәсәнов кебек кешеләр аркасында ил Бөек Ватан сугышында Җиңү яуларга сәләтле булган.
Кауй Хәсәнов 1925 елның 8 июлендә Чиләбе өлкәсенең Кунашак авылында күп балалы крестьян гаиләсендә туган. Ике яшендә гаилә Чиләбе шәһәренә күчеп килә. Анда ул җидееллык мәктәпне тәмамлый һәм һөнәрчелек училищесына укырга керә.
Сугышка Хәсәнов 17 яшендә ирекле булып китә. Ул 1нче Балтыйк буе фронтында сугыша, Смоленск өлкәсен һәм Беларусияне азат итүдә катнаша. Полоцк өчен сугышлар вакытында яралана, ләкин дәваланудан соң сафка баса. Соңрак Украина фронтындагы 5нче аерым элемтә батальонында хезмәтен дәвам итә.
Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев