Май аенда нинди яңа законнар үз көченә керәчәк?

1. Коммуналь хезмәтләргә тарифларны арттыру

1 майдан Россиянең кайбер төбәкләрендә торак-коммуналь хуҗалыкка тарифлар планлы рәвештә арта. Аерым алганда,

• су һәм су агызу – 3-5 %ка;
• электр энергиясе — төбәккә бәйле рәвештә 7%ка кадәр;
• кайбер шәһәрләрдә җылылык – 4тән алып 6%ка кадәр.

Нишләргә?
Квитанцияләрне һәм куллану хисабын тикшерергә. Әгәр чыгымнар нык арткан икән, бәлки, счетчиклар урнаштыру яки альтернатив тарифларга күчү турында уйланырга вакыттыр.

2. Эшләүче пенсионерларның пенсияләрен индексацияләү

Лаеклы ялга чыккач та эшләүләрен дәвам итүчеләр өчен яхшы хәбәр. 1 майдан эшләүче пенсионерларга пенсияләрне индексацияләүне яңарту турындагы закон үз көченә керә, ул 2016 елда ук туктатылган иде.

Күпмегә арта?
Стаж һәм пенсия дәрәҗәсенә карап, уртача 700 сумнан 1200 сумга кадәр.

3. Юл хәрәкәте кагыйдәләрен бозган өчен яңа штрафлар

Административ хокук бозулар кодексында кайбер үзгәрешләр үз көченә керә:

• «кызыл» утта йөрү — 2500 сум (элек 1000);
• каршы юнәлешкә чыгу – 7000 сум һәм 6 айга кадәр хокуклардан мәхрүм итү;
• «зебра»да туктамау — 3000 сум.

Мөһим!

Май аеннан әлеге хокук бозуларны күп шәһәрләрдә автомат рәвештә теркәү системасы эшли башлаячак. Видеокамералар машина йөртүчеләрнең үз-үзләрен тотышын катгыйрак күзәтеп торачак.