«Күчемсез милекне сатып алу» тормыш хәле: Дәүләт хезмәтләре порталында яңа мөмкинлекләр
«Мәгълүматлар икътисады» илкүләм проекты һәм «Кешеләр өчен дәүләт» федераль проекты кысаларында Татарстан Республикасы буенча Росреестр идарәсе тормыш хәлләрен гамәлгә ашыруда актив катнаша. Бу хакта Росреестрның матбугат хезмәте хәбәр итә.
Аерым алганда, «Госуслуги» порталының тормыш хәлләре (жизненные ситуации) каталогында «Күчемсез милекне сатып алу» сервисы эшли. Бу сервис күчемсез милек белән килешү төзүнең төп этаплары турында мәгълүмат бирә һәм сатып алу-теркәү процессын гади һәм аңлаешлы итү өчен булдырылган.
Сервиста түбәндәге мөмкинлекләр бар:
- ЕГРНда теркәлгән объектка хокукларны тикшерү (чикләүләр һәм авырлыклар булмавын тикшерергә мөмкин);
- сатучыдан нинди документлар сорарга кирәклеге турында киңәшләр;
- күчемсез милекне сату-алу килешүен төзү өчен кирәкле мәгълүмат;
- күчемсез милекне теркәү буенча адымлап инструкция;
- файдалы ресурсларга сылтамалар.
«Кешеләр өчен дәүләт» проекты Россия Федерациясе Хөкүмәте тарафыннан расланган һәм 2021 елдан башлап федераль һәм төбәк дәрәҗәсендәге хакимият органнары тарафыннан гамәлгә ашырыла. Проект дәүләт, гражданнар һәм бизнес арасындагы үзара хезмәттәшлекнең яңа дәрәҗәсен булдыруга һәм халыкның тормыш сыйфатын яхшыртуга юнәлдерелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев