Казан егете Фәрит Мөхәммәтшинга бүләк ясаган

Фото: пресс-служба Госсовета РТ

Кабул итүгә Казанда туган Дмитрий Емельянов та килә, хәзерге вакытта ул Санкт-Петербург шәһәрендә яши. Дмитрий – "Динамо-Ак Барс" Казан хатын-кызлар волейбол клубының күптәнге җанатары һәм Татарстан башкаласына даими рәвештә команданың төп матчларына килә.

Очрашу вакытында Дмитрий Емельянов Фәрит Мөхәммәтшинга волейбол клубына багышланган «Казаночка. Динамо-Ак Барс» китабын тапшырды. Автор басманың идеясе аның Казанда матчка чираттагы визиты вакытында барлыкка килүе турында сөйләде.

Егет сүзләренчә, Волейбол үзәгендә урнашкан фан-клуб фирма кибетендә ул клуб турында бер генә китап та тапмаган. Бу аңа сәер тоелган, чөнки Казан инде дистә ярым еллар дәвамында илнең волейбол башкаласы булып санала, ә ир-атлар һәм хатын-кызлар командалары даими рәвештә титуллар яулый. 

Фәрит Мөхәммәтшин Дмитрий Емельяновка актив гражданлык позициясе һәм республика тормышына игътибары өчен рәхмәт белдерде. Ул билгеләгәнчә, Татарстан өчен якташларының башка төбәкләрдә яшәгәндә, туган йортлары белән элемтәләрен саклап калулары, республиканың үсеше белән кызыксынулары һәм аның уңышларын, шул исәптән спортта да, күзәтеп торулары аеруча мөһим.

Шулай ук Мөхәммәтшин автор, профессиональ язучы булмаса да, волейбол клубы турында китап инициаторы һәм оештыручысы булып чыгыш ясаганын ассызыклады һәм бу очрашу турында Татарстан волейбол федерациясенең якындагы утырышында сөйләячәген әйтте.

Татар-информ