Иртәгә Татарстанда яңгыр һәм көчле җил көтелә
Гадәттән тыш хәлләр министрлыгы халыкны сак булырга өнди.
Синоптиклар мәгълүматларына караганда, 22 апрельдә төнлә һәм иртән Татарстанда явым-төшем көтелми. Көннең икенче яртысында һәм кич белән республиканың көнбатыш районнарында кыска вакытлы яңгыр һәм яшен булачак. Җил көньяк-көнбатыштан һәм көнбатыштан 6-11 м/с, көндез урыны белән 15-20 м/ска кадәр көчәячәк.
Төнлә минималь температура +8... +13˚, көндез һаваның максималь температурасы +23... +28˚ градус тәшкил итәчәк.
Гадәттән тыш хәлләр министрлыгында Татарстан халкына сак булырга киңәш иттеләр, бигрәк тә агачлар, реклама такталары һәм көчле җил белән аварга мөмкин булган башка конструкцияләр янында.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев