3–9 ноябрьдә эчке эшләр бүлегендә 31 җинаять теркәлгән.
Фото: Рәзилә Хәйретдинова, «ЯҮ»
Шуларның 25е – шәһәрдә, 6сы районда булган. 9 җинаять ачылган. Шуның кадәресе «кайнар эздән». 2 талау, 16 урлау, 11 мошенниклык булган.
Норлат авылының М.Фәйзуллин урамындагы йортның биген ватып кереп, билгесез затлар телевизор приставкасын, пультын, газ кабызгычын урлап чыккан. Хуҗабикәсе – 72 яшьлек хатын-кызга 1100 сумлык зыян килгән.
Зур Ключи авылының Клубная урамындагы 20нче йортта урнашкан асфальт-бетон заводы территориясеннән 150 мең сумлык инструментлар урланган. Тикшерү алып барыла.
Яшел Үзәндә яшәүче 62 яшьлек хаты-нкыз аферистлар кармагына эләккән. Санкцияләнмәгән банк операциясен юкка чыгаруны тәкъдим итүчегә ышануы аркасында 650900 сум акчасыннан колак каккан.
Нет комментариев