Яшел Үзәндә берьюлы берничә җитәкчегә үтәлмәгән йөкләмәләр аркасында вазыйфаларыннан мәхрүм калу куркынычы яный

Бүген чираттагы кабул итү көне иде. Инсайд: (Михаил Павлович гафу итә күрсен): элегрәк бер сорауга бәйле рәвештә җитәкчеләрнең кайберләренә турыдан-туры йөкләмәләр бирелгән иде, нәтиҗәдә аларның тулысынча үтәлмәве ачыкланды.

Моны белгәч, башлык әлеге җитәкчеләргә соңгы кисәтү рәвешендә "кара тамгалар" өләште.

Әйе, районыбыз зур, без республикада халык саны буенча бишенче урында һәм Идел белән аерылган бердәнбер район булып торабыз. Сораулар җитәрлек. Ведомство кулы астындагы оешмалар шуңа кирәк тә.

«Эшли алмыйсыз яки эшләргә теләмисез икән, әйтегез! Кадрлар буенча карарлар кабул итәчәкбез!» – дип белдерде Михаил Афанасьев.

Башлыгыбыз әлеге мәсьәләне аерым контрольгә алды һәм якын арада урыннарга шәхсән үзе барачак.

Берничә факт:

Яшел Үзән районында 2015 елда кадрларны оптимальләштерү узды. Әгәр элек шәһәр һәм район җирлегендәге әһәмиятле мәсьәләләрне хәл итү буенча 2 башкарма комитет эшләгән булса, хәзерге вакытта бу бурычлар берләштерелгән.

Тәҗрибә күрсәткәнчә, әлеге берләштерү көтелгән нәтиҗәләргә китерми.

Муниципалитетлар һәм Татарстан министрлыкларында кадрлар кытлыгы турында республика массакүләм мәгълүмат чараларында да күп тапкырлар язылды.

Хәзер урыннарда кадрларны көчәйтү буенча эш алып барыла, һәм бу, беренче чиратта, районда яшәүчеләр өчен уңайлы һәм имин мохит булдыруны максат итеп куя.

Регина Чибрикова

ЯҮМР матбугат хезмәтенең телеграм каналыннан алынды