«Яшел Үзән» сөт эшкәртү комбинаты» генераль директоры Әүфәр Галиев мөселманнарны Корбан гаете белән тәбрикләде

Мөхтәрәм яшел үзәнлеләр! 
Сезне чын күңелемнән мөселманнарның иң зур бәйрәме – Корбан гаете белән тәбрик итәм! Бәйрәм һәр йортка да шатлык, иминлек һәм Аллаһ Тәгаләнең рәхмәтен алып килсен! 
Исламның югары кешелеклелек кыйммәтләре алга таба да безнең күп милләтле район халыклары арасында иманны, үзара аңлашуны, бердәмлекне һәм татулыкны ныгытуга хезмәт итсен. Иманлы кешеләр артсын, тормышыбыз ямьләнсен, дөньяларыбыз тынычлансын, күкләребез аяз булсын иде. 
Аллаһы Тәгалә барлык яхшы гамәлләребезне кабул итеп, гыйбадәтләребез өчен савапларын арттырып, ике дөньяда да Үзенең чиксез мәрхәмәтен бирсен! Һәркемгә ныклы сәламәтлек, гаиләләрдә бәхет һәм муллык, барлык игелекле гамәлләрегездә һәм эшләрегездә иминлек һәм уңышлар телим. Чалган корбаннар, кылган догалар кабул булсын. 

Әүфәр Галиев, 
«Яшел Үзән» сөт эшкәртү комбинаты» генераль директоры