Яңа туган баланы подъезда калдырып киткәннәр

Фото: Регион 116 Казань ТГ каналыннан

Әлмәт шәһәре Ленин урамындагы бер торак йортның подъездында яңа туган сабыйны калдырып киткәннәр. 

Баланы шушы йортта яшәүче күршеләр тапкан. Шаһитлар шунда ук ашыгыч ярдәм чакырткан.

Хәзерге вакытта бала табиблар күзәтүе астында хастаханәдә ята, аның гомеренә берни дә янамый.

Нарасыйны ак курткалы, капюшонлы һәм кара сумкалы хатын-кыз ташлап калдырган, ул камераларга эләккән. Аны полиция хезмәткәрләре эзли.