«Өмет» («Надежда») Халык фронтының Норлат штабында Өлкәннәр һәм Укытучылар көненә багышланган концерт узды

Яшь активист-артистлар хөрмәтле хатын-кызларыбызны икеләтә бәйрәм – Өлкәннәр көне һәм Укытучылар көне белән котладылар. Импровизацияләнгән сәхнәдән күңелне нечкәртерлек җырлар яңгырады, ә чыгышларын тәмамлаганнан соң балалар тантанада катнашучыларга зур мәхәббәт белән ясалган открыткалар тапшырды..

Ләкин бу гына да түгел әле! Яшүсмерләр үзләре белән үзенчәлекле «баһадир» бүләк – үзләренең клуб территориясендә үстергән зур кабак алып килделәр. Бу юмартлык һәм кайгыртучанлык символы волонтерларга фронтка җибәрү өчен тантаналы рәвештә тапшырылды.

- Транспорт белән ярдәм иткән өчен клубның тренеры Камил Гафаров улына, тирән ихтирам уятучы «Өмет» («Надежда») штабының көмеш волонтерларына, балаларыбызга тәмле бүләкләр әзерләгән өчен штаб җитәкчесе Роза Илдус кызы Ягудинага, концерт программасын әзерләгән һәм техник ярдәм иткән өчен Яшүсмерләр клубы педагогы Зөлфирә Борисовна Кельдиевага чын күңелдән рәхмәтебезне белдерәбез!

Мондый очрашулар буыннар арасындагы бәйләнеш һәм игелекнең чын могҗизалар тудыруын исбатлый! Бу гүзәл көннең бер өлеше булган һәркемгә рәхмәт! – дип язганнар Разноцветная Зебра. Молодежный (подростковый) клуб ВК сәхифәсендә.