Олы Шырданда гомер итүче Әминә Миңнулла кызы Закировага 90 яшь тулган

-Әминә апа гомере буе колхозда эшләде, төрле урыннарда хезмәт куйды, лаеклы ялга чыгар алдыннан соңгы 10-12 елын бозаулар карады. Өч бала табып үстерде, кызганыч, бер улын югалту авыр хәсрәтләрен дә кичерде. Бик сабыр, тыныч карчык Әминә апа. 31 ел каенана белән яшәп, тәрбияләп, мәңгелек юлга озатты, - дип уртаклаша Олы Шырдан мәдәният йорты мөдире Наҗия Хәсәнова. – Кызы Горький исемендәге заводта эшли, шәһәрдә. Әминә апа улы һәм килене тәрбиясендә яши. Без аңа шатлыклы көннәр, сәламәтлек, күңел тынычлыгы телибез. Аллаһ Тәгалә биргән гомерләрен балаларының кадер-хөрмәтендә, сөенеп яшәргә насыйп итсен!