Кошларны бергә саклыйк. Кышның салкыннарына караганда да, ачлык кошлар өчен куркынычрак.
Бигрәк тә хәзер — кышның икенче яртысында, агачларда җимешләр юк, нәни дусларыбызга ризык табу бик кыенлаша. Күп кенә кошлар нәкъ менә ачтан үлә...
-Олы Шырдан мәдәният йортында «Кышын кошларны ашатыгыз» акциясе узды. Мәдәният йорты янындагы агачларга балалар үз куллары белән ясаган җимлекләрне элделәр.
«Бу акция кошларга ярдәм итү генә түгел, ә балаларда табигатькә карата мәхәббәт тәрбияләү дә», — дип яза мәдәният йорты мөдире Наҗия Хәсәнова.
Сез дә кушылыгыз — бер уч җим дә кош гомерен саклап калырга мөмкин!
Нет комментариев