Олы яке авылыннан махсус хәрби операциядә катнашучы егетләребезгә, авыл халкы белән берлектә җыелган, чираттагы гуманитар ярдәм җибәрелде

- Хәрбиләр өчен эчке киемнәр, дарулар, җылы носкилар, тепловизор шулай ук окоп шәмнәре ясап та җибәрдек. Бу изге эштән Олы Яке мәктәбе коллективы да читтә калмады. Алар солдатларыбыз өчен азык-төлек, үз куллары белән ясалган рәсемнәр, җылы эчтәлекле хатлар язып юллады. Җирдә киң күңелле, юмарт, ярдәм кулы сузарга әзер кешеләр булганда, бар да яхшы буласына тулысынча ышанабыз. Иң мөһиме ышанчыны югалтмыйча, бердәм булып ярдәм итәргә әзер булыйк. Җиңүгә безнең дә ярдәмебез тисен, безнең тынычлыкны саклаучыларыбыз җиңү белән тизрәк әйләнеп кайтсыннар  иде, -дип теләкләрен җиткерде Олы Яке мәдәният йортының сәнгать җитәкчесе Лилия Әхмәтшакирова.