Норлатта Илнар Заһидуллин призына турнир узды

Нурлатның "Нур" командасы һәм Чувашиянең "Платина" командасы финалда очрашты. Безнең "Нур" командасы җиңү яулады. Урыннар түбәндәгечә бүленде:

• 1 урын - Нур (Төньяк Норлат)
• 2 урын - Платина (Чувашия, Козловка)
• 3 урын - Буа.

Шулай ук, безнең команданың кайбер уенчылары шәхси бүләкләр алды:

• Хәйруллина Камилла - иң яхшы либеро
• Борһанова Азалия турнирның MVP
• Шәрәфетдинова Камилла - иң яхшы үзәк блок куючы.

- Иганәче Илнар Заһидуллинга турнирны финанс яктан тәэмин иткәне өчен рәхмәт. Безнең белән булган һәм шундый күңелле атмосфера тудырган тренерларга, җанатарларга рәхмәт. Шулай ук, хөкемдарларыбызга, секретарьларыбызга һәм Элина Альбертовнага безгә бирелгән аппаратура һәм турнирны ачуы өчен рәхмәт. Директорыбызга - Зиннәтуллин Рамил Ринат улына спорт залы биргән өчен һәм яраткан пешекчеләребезгә тәмле ризык белән сыйлаганнары өчен рәхмәт, - дип фикерләрен җиткерә спортчы кызларыбыз.

Җиңү белән, кызлар.