Норлат балалар йортында кызыклы очрашу узды

Балалар белән куркынычсызлык турында сөйләшү өчен бирегә Транспортта Казан линияле идарәсе балигъ булмаганнар эшләре буенча инспектор килде. Җитди темалар турында фикер алыштылар:

• экстремизм һәм террорчылык;
• тимер юлда үз-үзеңне дөрес тоту кагыйдәләре;
• наркотик матдәләр;
• мошенниклар.

– Мондый әңгәмәләр безнең тәрбияләнүчеләргә аңлырак һәм җаваплырак булырга ярдәм итә. Дамир Сәлимулла улы Гыйбадуллинга, балигъ булмаганнар эшләре буенча инспекторга аңлаешлы һәм гадел сөйләшү өчен зур рәхмәт белдерәбез, – дип сөйли Норлат балалар йорты җитәкчесе Рәисә Миңнуллина.