Мулла Илендә Ватан Геройлары көне уңаеннан «Геройлар, Россия геройлары белән горурланабыз» дигән патриотик чара булды

- Бу чараны без үз-үзен кызганмыйча туган илебезне яклаган кешеләргә багышладык. Шундый кешеләр аркасында илебез үзенең тарихи һәм мәдәни традицияләре, кабатланмас героик үткәне белән аерым бәйсез дәүләт буларак сакланып калган. Чарада катнашучы яшьләргә бәйрәм тарихын, безнең илнең яклаучылары һәм геройлары турында сөйләдек.

Әлеге чара яшьләр өчен чын тәрбия дәресе булды.

Алар туган Ватанына хезмәт итүче, буыннар арасындагы бәйләнешне саклаучы, үткәндәге батырлыкларны киләчәк белән ялгаучы һәм традицияләргә тугры калучылар булырлар, дип ышанасы килә, – дип сөйли Мулла Иле мәдәният йорты мөдире Рәзинә Сәйфетдинова.