Мулла Иле авылында ел саен сөлге җыю йоласы башкарыла

Шуңа да ул безнең көннәргә кадәр килеп җиткән һәм бүген дә яшәвен дәвам итә.

- Сабантуйга сөлге, бүләкләр җыю борынгыдан килгән күркәм йолабыз.
Әлеге күркәм йолабызны югалтмыйча саклап, киләсе буыннарга тапшыру максаты белән безнең Мулла Иле авылында ел саен сөлге җыю күренеше оештырыла. Авыл халкы сөлге-яулыклар җыючыларны һәрвакыт шатланып көтеп тора, бүләген дә алдан әзерләп куя. Сөлге җыючы яшьләр һәрбер йортка кереп хәл-әхвәлләрен сорашалар, сабантуй бәйрәменә чакырып калалар. Бу матур сөлге җыю йолабыз, шушы яшь буын аша югалмас, киләчәк буыннарга кадәр дәвам итәр дигән өметтә калабыз, – дип яза Мулла Иле мәдәният йорты мөдире Рәзинә Сәйфетдинова.