Матурлыкны үзебез тудырабыз: Мулла Иле мәдәният йортында яшелләндерү эшләре башланды
Мулла Иле мәдәният йорты хезмәткәрләре бина тирәсен яшелләндерү һәм тирә-юньгә гүзәллек өстәү буенча кызу эшкә кереште.
- Иң элек җирне яхшылап казып, эшкәртеп чыгабыз. Алдагы планнар тагын да кызыклырак: җир әзер булу белән, биредә кыш көне үк орлыктан үз көчебез белән үстергән яшел үсентеләрне утыртачакбыз. Йөрәк җылыбызны биреп үстергән чәчәкләр җәй буе авылдашларыбызны куандырып торыр дип өметләнәбез, – дип яза Мулла иле мәдәният йорты мөдире Рәзинә Сәйфетдинова.
Чынлап та, тирә-юньдәге матурлык үзебездән, үз кулыбыздан тора! Авылларыбыз тагын да ямьлерәк, чәчәклерәк булсын өчен хезмәт куючы һәркемгә рәхмәт!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев