Карагуҗа авылы мәдәният йортына яңа ел алдыннан искиткеч бүләк ясаганнар

- Гомер-гомергә Карауҗа авылы егетләренең “усал” дигән даннары йөрсә дә, беркайчан да “Начар”данын күтәрмәделәр алар. Татар-башкорт көрәшендә ирешкән уңышлары, биюдә булган осталыклары, гармунчы егетләре белән дан тотты безнең Карагуҗа авылы! Бүгенге көндә дә үз планкаларын төшерми яши алар. Авыл җирлегендә нинди генә сорау килеп тумасын, кырык эшләрен кырык якка ташлап, бер йодрык булып оешалар. Зират җыештыру, Сабан туе бәйрәмен оештыру, юл төзекләндерү, махсус хәрби операциядәге егетләргә булышу, авылда үткәргән һәр мәдәни чарага диярлек матди ярдәм күрсәтү-берсеннән дә читкә калмыйлар алар. Менә бүгенге көндә дә, авыл кешеләрен, яшьләрен кайгыртып, күмәкләшеп, Карагуҗа авылы мәдәният йортына өстәл теннисы бүләк иттеләр. Кичке якларда барысы бергә җыелып шунда, шашка, шахмат, домино,өстәл теннисы уеннарын уйнап, аралашып, файдалы итеп, күңелле итеп яши безнең егетләр. Шуңадыр да, мәдәният йорты җитәкчесе Миләүшә Марсель кызы да, гомумән бөтен авыл халкы изге теләктә аларга. Барлык эшләгән яхшы эшләре өчен мең рәхмәтләр әйтеп,аларның һәркайсына саулык, бәхет, рәхәт тормыш теләп калабыз, - дип матур теләкләрен җиткерде Эльза Идиятуллина.