Фәрит абый кебек кешеләр - авылның байлыгы һәм горурлыгы!

- Хөрмәтле авылдашыбыз, Норлат ветераннар советы әгъзасы, МХОда катнашучының әтисе - Фәрит Зыятдинов Норлат, Мулла Иле, Татар Исламы, Татар Танае авылларында яшәүче 30 балага шатлык китерде. Ветераннар, солдат аналары Советы, бу балаларның ата-аналары Фәрит Ярхәм улына юмартлыгы, кайгыртучанлыгы һәм игътибары өчен ихлас рәхмәтләрен җиткерә.

Кешеләргә тормыш шатлыгы китерә торган игелекле гамәлләр кылмаган бер генә көне дә юк аның. Һәм ул аларны тыйнак һәм сиздермичә генә эшли. Әмма якташларыбыз мондый киң күңелле авылдашларыбыз турында белергә тиеш. Фәрит Ярхәм улына ныклы сәламәтлек, яңа игелекле эшләр башкаруда оптимизм телибез! - дип җиткерде Роза Ягудина.