Бердәм гамәлләр көне: Норлат мәктәбендә Батырлык дәресе үтте

Мәктәбебездә махсус хәрби операция (СВО) катнашучысы Ринат Мөхәммәтшин катнашында «Батырлык дәресе» узды.

Бу чара үсеп килүче буынга патриотик тәрбия бирүдә һәм халкыбызның каһарманлыгы турындагы тарихи хәтерне саклауда мөһим адым булды.

Очрашу ачыктан-ачык сөйләшү форматында үтте. Укучылар үзләрен кызыксындырган сорауларын бирә һәм аларга җентекле җаваплар ала алды. Яшьләр өчен Ватанны саклаучы белән турыдан-туры аралашу — зур һәм үзенчәлекле мөмкинлек. Нәкъ менә шундый очрашулар яшьләрдә хәрби хезмәткә карата хөрмәт уята һәм тарихыбызга кызыксынуны арттыра.

Искиткеч һәм эчтәлекле очрашу өчен кунагыбызга олы рәхмәтебезне белдерәбез!

Роза Ягудина