Бакырчы мәдәният йортында «Кызлар — йолдызлар» дигән бәйге-кичә узды
Бакырчы авылы мәдәният йортында бу көнне аеруча якты һәм күңелле үткәрдек. Авылыбызның иң актив, сөйкемле кызлары өчен «Кызлар — йолдызлар» исемендәге бәйге-кичә оештырылды.
Бәйрәмне авыл җирлеге башлыгы Әсхәт Садыйков ачып җибәрде, гүзәл затларыбызга иң изге теләкләрен җиткерде. Ә кызларыбыз үз чиратларында зирәклекләрен, уңганлыкларын һәм талантын күрсәтеп, барыбызны да сокландырдылар! Бәйге чын мәгънәсендә җанлы һәм мавыктыргыч булды.
Бәйрәм рухы һәркайсыбызның күңелендә озак саклансын. Күгебез аяз, тормышыбыз кояшлы, ә гаиләләребез имин булсын!
Бакырчы мәдәният йорты мөдире Миләүшә Сәлахиева.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев