01 26 июнь – 2 июльдә янгын сүндерүчеләр 25 чакыру кабул итеп алган

9 янгын очрагы теркәлгән.

Королев урамындагы 26нчы йорт янында механизмнарының төзексез булуыннан «Скания» автомобиленә ут капкан. Нәтиҗәдә 10 квадрат метрына зыян килгән.

Кызыл Яр авылының Безымянная урамындагы бакча участогында мунча яна башлаган. Янгын электр җиһазын монтажлаганда кагыйдә бозудан чыккан дигән якынча нәтиҗә ясалган. Барлыгы 28 квадрат метр мәйданга зыян килгән.

Украинская урамындагы йорт фатирында көнкүреш электр приборыннан файдаланганда кагыйдә бозудан янгын чыгып, кухняга зыян салынган.