Мисырда комага эләккән Татарстанның атказанган укытучысы Ольга Гардиханова бүген Республика клиник хастаханәсенә китерелгән. Бу хакта “Татар-информ”га Татарстан Сәламәтлек саклау министрлыгында хәбәр иттеләр.
Хатын-кыз реанимация бүлегендә. Аның хәле бик авыр, әмма тотрыклы дип бәяләнә.
Республиканың әйдәп баручы белгечләре җәлеп ителде, барлык кирәкле медицина ярдәме күрсәтелә.
4 гыйнварда Ольга Гардиханова гаиләсе белән Мисырга оча. Аэропортта аңа кинәт начар була, ул аңын югалта. Хатын-кызны ашыгыч рәвештә хастаханәгә озаталар һәм аңарда геморрагик инсульт диагностикалана. Шуннан бирле ул комда ята һәм хәзерге вакытка кадәр аңына килми.
Ольга Гардиханова – Татарстан Республикасының атказанган укытучысы, 30 еллык стажлы педагог. Ул Алексеевск урта мәктәбендә укыта.
Татар-информ
Комментарии
Без имени
0
0
Терелсен Иде ходай ярдэме белэн