Казанда «Ак Барс Арена» янында авыр атлетика үзәге барлыкка киләчәк. Бу хакта Петербург халыкара икътисадый форумы кысаларында «Татар-информ» хәбәрчесенә Татарстан спорт министры Владимир Леонов сөйләде.
«Без проект эшләрен, минемчә, җәй дәвамында тәмамларбыз. Ә бер елдан ул инде ачылыр да. Бу — кызыклы универсаль комплекс булачак: биредә спорт залы гына түгел, ә яшәү, туклану урыннары, реабилитация үзәге дә булачак. «Ак Барс Арена»дан ерак түгел җир участогы билгеләнгән инде», — дип белдерде әңгәмәдәш.
Казанда үзәк илнең иң яхшыларының берсе булырга мөмкин, дип ышана министр. Петербург форумында Татарстан һәм авыр Федерация арасында килешү имзаланды.
Татар-информ
Нет комментариев