Татарстан Республикасы Биологик ресурслар буенча дәүләт комитеты рәисе Федор Батков республиканың тыюлык эше хезмәткәрләренә һәм ветераннарына Тыюлык эше хезмәткәрләре көне уңаеннан котлау җибәрде.
Фото: государственный комитет Республики Татарстан по биологическим ресурсам
«Сезне һөнәри бәйрәмегез – Тыюлык эше хезмәткәрләре көне белән котлыйм. Сезнең эшчәнлегегез фән, табигатьне саклау һәм дәүләт җаваплылыгы кисешкән урында тора. Инспекторлар, тикшеренүчеләр һәм заказниклар администрацияләре белгечләре билгеләнгән саклау режимының үтәлешен тәэмин итәләр, табигать комплексларын күзәтәләр, био төрлелекне торгызуда һәм гражданнарны мәгърифәтләүдә катнашалар. Нәкъ менә шушы вакыт-вакыт куркыныч белән бәйле булган вак эштән республиканың аеруча саклана торган табигать территорияләре торышы тора», – диелә котлауда.
Батков заказниклар администрацияләре хезмәткәрләренең өлеше аеруча танылуга лаек икәнен билгеләп үтте. Аның сүзләренчә, аларның көндәлек хезмәте Татарстанның уникаль табигать объектлары фән, мәгариф һәм киләчәк буыннар мәнфәгатьләрендә сакланып калуының гарантиясе булып тора.
«Бәйрәм көнендә хезмәтегез һәм эшегезгә тугрылыгыгыз өчен чын күңелдән рәхмәт сүзләрен кабул итегез. Чын күңелдән нык сәламәтлек, иминлек, яңа һөнәри казанышлар һәм иртәгәге көнгә ышаныч телим. Эшегез канәгатьлек китерсен, ә янәшәдә һәрвакыт ышанычлы хезмәттәшләр һәм якын кешеләр булсын», – дип йомгаклады Батков.
Татар-информ
Нет комментариев