Өстәмә чаралар

Район башкарма комитеты гадәттән тыш хәл килеп чыкканда күрелергә тиешле өстәмә чаралар турында агымдагы елның 15 июлендә 21нче санлы карар кабул итте.
Беренче чиратта ул халыкны су белән тәэмин итүгә кагыла. Гадәттән тыш хәл килеп чыгып, су челтәре эшләвеннән тукталган очракта халык сусыз утырмаска тиеш. Аны машина белән ташуны оештырырга, су бирү урыннарын һәм аны ташучы транспортны алдан билгеләргә кирәк. Су китерү графигын һәм өләшү урыннарын һәр йортка җиткерү дә мәслихәт.