Тавык бавырыннан җылы салат

Бер-ике порциягә кирәк булачак:

• тавык бавыры – 200 гр
• суган – бер баш
• үсемлек мае – ½ а.к.
• су – 50 мл
• тоз – бер чеметем
• кара борыч – тәменчә
• атланмай – 10 гр
• зур слива – 3 данә
• салатлар катнашмасы
• фета яки башка йомшак сыр
• алма серкәсе 1 а.к.
• үсемлек мае – 1 а.к.
• кедр чикләвеге – 2 ч.к.

Суганны «каурыйлап» турарга (ярымбоҗрага перпендикуляр яктан) һәм йомшарганчы кыздырырга. Бавырны шунда салып, 7 минутлап пешерергә. Аннары су өстәп, тозларга-борычларга, суы очып беткәнче пешерергә.

Икенче табада атланмайда зур кисәкләргә туралган сливаны шикәр өстәп, болгатып торып, 1-2 минут кыздырырга.
Алма серкәсе белән үсемлек маен кушарга һәм салат яфрак­лары катнашмасына сибәргә. Шулар өстенә сливаны һәм бавырны тезәргә. Өстенә сыр кисәкләре куярга һәм кедр чикләвеге сибәргә.