Пешекче Диләрә Дәүләтшинадан сырник рецепты

Кирәк:

• 500 грамм эремчек
• 1 йомырка
• 50 грамм шикәр комы
• бер чеметем тоз
• ванилин
• 4 аш кашыгы манный ярмасы.

Барысын да яхшылап болгатырга һәм манный бүрткәнче ярты сәгать тотарга. Аннары онга әвәләп, 50әр граммлы итеп ясарга. Катырып кую өчен дә бик уңайлы.

Соус өчен: 25 грамм атланмайны 1 аш кашыгы шикәр белән эретергә, аннары 200 грамм каймак салып, акрын утта кайнатып алырга.

Диләрә апа әйтүенчә, сырник өчен иң тәмле соус – нәкъ менә шушы.