Сөякләрегез нык булсын

Кокос мае
Ул – ялкынсыну һәм авыртуны баса, тукыма күзәнәкләрен суга баета торган һәм организмыбызга зарар китерүче вируслардан, бактерия, гөмбәчекләрдән саклаучы эфир майларына бай. Аны эчкә кабул итеп тә, тышкы яктан тәнгә ышкып та кулланырга була.

Желатин
Желатинның бер өстенлеге бар – тез, бот һәм башка буыннарның сеңерләрен ныгыту өчен ул шәп чара. Аның кимерчәкләрне тергезүгә ярдәм итүе ачыкланган, чөнки ул охшаш структурага ия. Сөяк тән пешерелгән шулпаларны да шул максаттан кулланырга мөмкин.

Төче һәм гадәти чия
Төрле сорт чияләр, зәңгәр җиләк яки анар җимеше кебекләр сәламәтлекне ныгытуга яхшы ярдәм итә. Бу – аларның төсләре өчен җавап бирүче антоцианин дип атала торган матдәләргә бәйле.