#кирәклекиңәшләр
Бәрәңге җирен көздән әзерләү
Хәзер терлек-туар асрау юк дәрәҗәсендә һәм бакчаларга тирес керми диярлек. Шунлыктан бик күпләребез, бәрәңгеләребезне тишкәләп бозучы чыбыкчадан (проволочник) зарлана башлады. Ә менә аңа каршы көрәшне көздән башларга кирәк.
- Чыбыкчадан котылырга бакчага көзеннән кертелгән яңа, черемәгән тирес ярдәм итә. Ул кыш дәвамында ашламага әверелә һәм язын казыганда яки сукалаганда туфрак белән катнаша.
- Тавык тизәге. Ул шулай ук бу корткычны куркыта. Әмма бәрәңге утырта торган бакчагыздагы туфрак болай да азотка бай булса, аны кырыйлатып, пери метр буенча гына, сибеп чыгыгыз.
- Бәрәңге уңышын җыеп алганнан соң бакчагызда бәрәңге сабаклары һәм чүп үләннәрен калдырмагыз.
- Калийлы ашлама кертегез. Бер квадрат метрга 30 грамм.
- Көзеннән бакчаны тирән сукаларга, ә тиресне аннары чыгарырга кирәк.
- Бәрәңге утырту урынын алмаштырып тору да файдалы. Әлеге яшелчәнең гел бер урында үсүе авырулар һәм корткычлар үрчүенә китерә. Шуңа күрә аны башка культуралар белән чиратлаштырырга кирәк.
Следите за самым важным и интересным в Telegram-каналеТатмедиа
Нет комментариев